Faces and Places

自從由model身材變成肥妹仔之後, 都已經冇勇氣再上磅. 但係, 咁落去唔係辦法, 眼見自己買褲愈嚟愈難, 貼身衫又唔敢著, 我點都要面對現實, 上磅睇一次. 琴日下午, 終於上磅喇. 唉~~~~ 好肥呀!

我今次無論如何, 一定要"的"起心肝, 節食減肥.

首先, 戒食零食. 我最鐘意食薯片, 一次過可以食哂一大包卡樂B. 所以, 琴日我將房間裡面的零食全部丟哂, 剩番細細粒o既 Sugar free mints, 口痕想食零食, 就食佢或者食梳打餅囉.

第二, 就係同阿媽表明我要減肥, 等佢唔好成日叫我食野, 又煲豬肉湯. 肉湯係好飲, 但係好多油份溶咗喺水裡面, 我成日懷疑, 我咁肥都係因為飲湯太多. 所以我會減少飲湯, 由兩碗變成一碗半, 慢慢再減少D. 唔可以唔飲, 老媽子會唔高興.

第三, 就係做運動. 我會繼續keep住星期六做一個半鐘頭瑜珈, 增強身體的柔軟度, 又可以把身體的線條變得修長. 練了兩年瑜珈, 真的不錯, 感覺身體沒有以前那麼重, M痛都減輕了. 另外, 每日都要做半小時運動, 包括原地跑, sit up和瑜珈的收腹動作.

第四, 就係控制飲食. 呢個我有信心做得到, 因為我很多時候在家食飯, 食量容易控制. 早餐吃麥片加麵包, 中午在外面吃, 吃清淡點, 晚上回家吃, 只會吃一湯匙白飯, 多菜少肉.

第五, 絕招! 就係祈禱! (唔好掟蕃茄雞蛋呀!) 冇錯, 面對食物的誘惑, 就請天主賜我力量. 天主經不是有一句"不要讓我們陷於誘惑"嗎? 如果我想買零食, 就祈禱. 主啊, 求你幫助我!

減肥, 由三八婦女節起! 大嬸加油!