Faces and Places

星期六, 不用返工, 好好休息的日子, 本來約了一個很耐冇見的朋友吃下午茶, 然後同另一個朋友上瑜珈班. 時間完全安排好哂.

點知人算不如天算, 老友的右手受傷, 唔去得上瑜珈, 我同朋友吃完下午茶之後, 就去咗睇電影Jumper.

我同朋友去咗一間叫做"珊X堡"的餐廳, 間餐廳在九龍灣某大型屋苑內.屋苑名唔講喇, 費事人地告我誹謗. 如果是九龍灣的居民, 應該會知道我在說哪一間餐廳.

這間餐廳開業大概半年, 表面看來, 裝修很不錯, 走中高檔路線, 而且設有露天座位, "懶"有歐陸風情. 上次我在露天坐位和朋友吃晚餐, 食物一般, 幸有街景搭夠. 今次我在室內卡位, 白色梳化居然被畫了一個火柴人公仔! 白色皮變得灰灰的, 真倒胃口. 待應都很年輕, 有些一頭金髮爆炸裝, 只有一兩個是中年婦女. 年輕人的服務態度超級差, 好像我阻住佢咁. 我和朋友叫了公仔麵餐和咖啡. 待應先上咖啡, 一來已經潑瀉, 燙倒了我的朋友, 痛得她哇哇大叫. 待應道歉時把聲細過蚊, 好似唔想俾人聽到咁, 手慢腳慢地抹乾桌面後就走咗去, 但係杯咖啡仲留番半杯唔執走! 我叫個中年阿姐執走, 佢好爽快就搞掂, 仲即刻叫人沖過兩杯咖啡俾我地. 咁先係做野嘛.

麵餐包括多士和煎蛋. 待應拿着兩份煎蛋過來時, 唔知係唔係地下太滑, 跌了一份在地下. 一間餐聽, 店面怎可以地面濕滑的? 會令員工和客人滑倒呀!

公仔麵和煎蛋陸續送上, 味道一般, 咖啡只來了一杯. 麵吃完了, 炒蛋多士吃完了, 我摧了又摧, 起碼摧了十次以上, 才送來第二杯咖啡! 有冇搞錯! 去Starbucks買杯Latte都唔駛等三分鐘, 沖杯咖啡有幾難呀?

呢間野, 我只有一句說話: NO NEXT TIME!!!!