Faces and Places

唔知係唔係年紀大咗, 唔係好鐘意出街, 呢個復活節冇節目, 淨係想留係屋企, 聽下歌, 睇下書, 瞓下覺, 好relax咁過就算. 唔...... 定係我冇朋友, 所以冇人約呢???????

星期五係耶穌受難節, 我o係屋企瞓足一日, 真係爽到痺! 瞓醒後成個人醒哂. 跟住我就要替我部小電(電腦也)開刀. 上次因為有朋友經msn send咗個myphotos54.zip, 一打開就"賴嘢", 經msn週圍傳, 自己部機係咁俾木馬程式hack唔停, 跟住搞到乜都開唔到, 所以我把心一橫, 用saft mode開機做back up, 跟住將個system reinstall. 咁就搞咗我一晚, 終於搞到凌晨兩點, 救得七七八八先瞓覺.

星期六, 老板揾人睇風水, 所以中午返咗去公司, 睇師傅教我地擺陣, 點樣化是非旺財運. 呢個師傅教我地擺o既陣都好實際, 用D一蚊銀呀紅色花樽呀植物呀咁, 唔使要買龍虎鳯銅錢劍, 都幾好. 雖然我唔信風水, 不過既然老板信, 我都要做埋一份. 總之但求工作順利, 生意興隆, 咁就大家開心.

離開公司, 時間尚早, 就一個人去咗灣仔銅鑼灣行街, 買D衫呀飾物呀咁, 然後回家繼續救機. 終於都冇事喇, 唉~ 好彩.

淨番兩日, 應該點安排呢?