Faces and Places

星期一, 我懷着不安的心情, 早早回到公司, 把預先儲在USB Drive 裡的辭職信打印出來, 放在白信封裡, 伺機交給老板. 不過, 老板上午不在office, 一直等到下午她回來後, 才有機會交辭職信給她. 我整個上午都在心跳不安.

終於等到老板回來了. 我小心翼翼地把信放進文件夾, 不讓她看到, 然後施施然的坐好, 如常報告今天要做的事情, 和我已經做好的事情, 報告完後…….

我: 最後, 有點私人事…… (雙手拿着信, 恭敬地遞到老板面前) 不好意思.

老板:（愕然, 然後用撒嬌的語氣）可唔可以唔收呀????

我: (撒嬌回敬) 唔好啦, 收啦.

老板: (打開信)…. 吓? 咁急? 兩個星期就要走?

我: 係呀, 唔好意思.

老板: 點解呀? 係唔係我好難頂呀???

我: (心中點頭) 當然唔係啦. 只是因為外面很多機會, 所以我想去外面見識一下.

老板: 其實你唔使咁快走呀, 你在這裡做了一年半, 我敢說, 你多做半年, 有兩年經驗後再去外面闖, 身價會比現在更高. 再說, 我真的覺得你做得很好, 很有潛力……. (下刪一百萬字) 上次派bonus的時候, 我說過會幫你做一次半年review, 然後加人工和升職, 你連這個機會也不給我….. (哀怨)

我: (流冷汗) 我不是…..

老板: 外面人工好高咩? 人家可以加幾多給你呀? 你告訴我, 等我幫你去同大老板fight下.

我: um….. X% - Y% 啦…..

老板: 咁咋? 無問題. 嗱! 你給我兩日時間, 我去跟老板講. Ok? 兩日, 只係兩日. 你就俾個機會我做點事啦.

我: 好吧….. (無奈) 咁我返出去做事了.

然後, 我的老板去了大老板的辦公室開閉門會議. 一會後, 老板從大老板的辦公室出來, 把我叫進她的辦公室, 關上門……

老板: (在紙上寫了一個數字) 嗱, 唔使兩日, 大老板話加人工到這個數目. 你覺得ok 唔ok???

我: (看到前面的數字, 和新公司給的差不多. 唉~~ 這算是甚麼? 用錢”大”我呀? ) 唔…. 老實說, 銀碼是相差無幾啦…..

老板: 如果你OK, 我就立刻寫報告給上頭批核.

我: (哼, 用錢就可以留住我? 你去死啦) 你給我一日時間考慮, 我明天答覆你.

老板: 好.

其實, 我當然是不會考慮留下來. 我明明知道, 下半年會有機會升職加薪, 不過還是決定另謀發展. 第一, 我知道, 即使升職加薪, 加幅不會很高, 最多加個”綜緩”的數目, 沒可能達到新公司給我的. 第二, 雖然現在工作算開心, 但公司規模小, 四年換了三個大老板, 公司在外面的名聲不大好, 總覺得公司的行政和管理層有問題, 而且”肥上瘦下”, 高層的人分花紅多多, 我們這些small potato, 做事多多, 花紅少少, 花紅發放愈來愈遲.  為了自己的未來和幸福着想, 還有趁着有點青春, 還是去闖盪江湖好了.